تايم نيوز أوروبا بالعربي أخبار عالمية وعربية
مقالات مشابهة
تايم نيوز أوروبا بالعربي|أسماء طه
كلمت حد من الأكابر
اللي صوته يعني واصل
قلتله انا عايزه اسافر
قالي عايزه الخليج
قلت له شوف اي حته
خليج أوروبا. لوحتي زفتي
قالي زفتي دي عندكم كده عند طنطا
قلت له مش زفتي دي
انا عايزه زفتي من عندكم
يعني فيها اداميه
زفتي فيها اعرف اعيش
اعرف اتكلم واقول
اعرف ادرس الاصول
زفتي مافيش دين ولا قران صحيح
بس فيها بينفذوا أفعال رسولنا
عايزه اكل لقمه حاف بالحلال
وابني ماينامش جعان
عايزه اعيش ساعه صفا
واقيل الضهر كمان
مش كله خبط ع البيبان
اللي عايز وصل نور
وبعده الميه كمان
واللي بينادي عليا عايز الايجار
والدروووووووووس
وكل دا شي عادي يعني
لما يبقي فيه فلوس
بعت الغوشتين اللي حيلتي
والنهار ده هرهن بهيمتي
اللي كانت بله ريقي
وكفياني حوجه صديقي
عرفت ليه عايز اسافر
عايز اوفر حج لامي
اللي ادتني القيراط اللي حيلتها
وقلت لما تبقي دكتور ياضنايا
اغلي من عذبه ساعتها
هنكلوايابني لحمه طازه
وهشتري عصير في الازازه
هتقسط الجرار لاخوك
وهتبني معهد ديني عليه اسم ابوك
امي أهيه لسه عايشه
وحلمها عايش معاها
اني هطلع السما بالبلطو الابيض
ما نجبت طب قدام عنيها
واكلتي كان عيش مقدد
اصلها ماتعرفش حاجه في الحوار
ولا عمرها شافت كباري
ولا عارفه قيمه الدولار
امي كل حلمها تحج وتلبس زتونه
عرفت ليه عايز اسافر
وحاجات كتير ما اقدرش اقولها
بس انت راجل قديم في غربه
يعني عارف اكيد قرارها
عيشتني زمان في الضلال
وقولتلي الغربه صعبه
صعبه ليه
هيه مش فيها ربنا
ونعم بالله
هوه قصدنا كلنا
عايشين في كرمه
حمدينه ديما ليل نهار
احنا بناخد بالسبب
لكن الثقه واليقين في الله
هيختار القرار
