بقلم وصوت | إيناس الســيد
بحبك روح بترفعنى لسما بعيدة
وأحبك شمس تدفينى وأنا وحيدة
وأحبك نور يبدد خوف وتنهيدة
بحبك فجر يصحينى إنسانة جدبدة
بحبك ليه؟ ومن حبى بتستغرب؟
مشاعرك دية خلتنى للملاك أقرب
وشايفة الناس والعالم حب ف حب
ياروح قلبى اللى زيك لازم يتحب
مكانش ف عمرى ذكرى قبلك أكتبها
والوقت كان لعبة الأيام بتلعبها
حتى الأمانى الدموع كانت بتغلبها
ف لحظة معاك لقيت اللحظة بحسبها
تخطى وخطوتك ليا بتفرش ورد
وألاقى الدنيا حواليا مفيهاش حد
وبخجل من سلام إيدك لـ قلبى يرد
حبيبى حبك هو جنتى ع الأرض