تايم نيوز أوروبا بالعربي أخبار عالمية وعربية
مقالات مشابهة
لا تزعل ، ولا تحزن ماحدش يستاهل دمعتك وزعلك ، لأن في الأول والآخر انت متلزمهمش ، ماتعنيلهمش حاجة غير مصلحتهم وفي يوم من الايام ها تنتهي المصلحة، فعيش حياتك علشان ترضى ربنا ويرضيك وما تحملش نفسك فوق طاقتك لأن لو عييت ماحدش ها يزورك ولا يصرف عليك ، حافظ على صحتك عشان نفسك وبس.
مرات تحس بالقهر والعجز، وتتمنى شخص يحن عليك، شخص يريحك ويفرحك ويقولك ماتخافش انا جنبك، والي تحتاجه انا اجيبهولك المهم يشوف ابتسامتك ، ومرات تحتاج شخص يمسح دمعتك ، شخص يدق بابك في عزلتك يشوفك حي ولا ميت ويكافح علشان يطلعك من غبار غرفتك ، ومرات تتمنى يجيك رسالة من حبيبك يقول لك انا من غيرك ولا حاجة ، أو من قريب ليك يديك مبلغ يخفف عنك ضيق وبسرعة انت تجري عليه تحضنه وتبوسه كأنك ماشفتوش من سنين ، دي كلها حاجات مش صعبة علينا كلنا ، بس الي صعب انك تموت وانت كنت متمني واحد بس يعوضك عن كل الخلق مجتمعين ، واحد يكون امك وابوك وابنك وبنتك ، وتخاف عليه من نسمة الريح ، تخاف تخسره ومتلاقيش زيه في الدنيا ، ومرات تكون مكسور تتمنى تبكي تصرخ وتقولهم يا ناس يا وحشين ، لما اموت تعالوا اعملوا للناس شاي و اعملولهم احلى الاكلات رحمة ونور على روحي وقولو لهم عني كان مسكين يستاهل الصدقة ، وكان اطيب صديق ، واخ ، وحبيب ، وكان وكان والحديث يطول ، بس ربنا كريم …
لو كنتو بتحبوني بجد كنتو حسيتوا بضعفي وفقري وهمي وانا عايش مش وانا ميت!!. مرات تانية تتمنى واحد بس ، تلاقي فيه كل الخير ، واحد يتصل بيك كل ليلة يخفف عنك بكلامه الطيب تعب الساعات ويخليك تصحى وتروح للشغل وكلك أمل وخير ورغبة في الحياة ، ومرات تضيق عليك وتضيق و ما تقدرش تتنفس تصلي لله ركعتين وترفع ايدك وانت ذليل تترجاه يفرحك ويعوضك عن كل خيباتك عن كل دمعاتك وفي النهاية ترجع تبكي وانت بتقول له يا إلهي انت احسن من الجميع.
مرات تجتهد وتحاول تفرح الكل وتقوله يارب دول حبايبي فرحهم وابعد عنهم الشر ، ولما تمر على خندق الفقر تلاقي الريح ، وتتساءل فين احبابك دول وفين راحوا وتتصدم لما تعرف قد ايه انت كنت مخدوع فيهم ، وتبقى عاوز تقول لهم عيب عليكم ، ومرات تلاقي ابوك يقابلك بالقهر والتكشيرة على وشه يطلب الفلوس واذا ما اديتوش يبقى جالك الموت ، متبكيش ها ييجي يوم ويندم ويقول ياريته عاش ، ما تزعلش ولا واحد يستاهل دمعتك ، كل واشرب وافرح وما تفكرش في اللي راح ومارجعش ،واللي قدامك وماسألش لأن معظمهم منافقين ، عايشين يرضوا الغير ، استمر وارضي ربك وبس.
ما تحزنش ودور على الأطيب دايما وان مالقيتش يكفي حبك لله هو أحسن من أمك وابوك وكل الي رحلوا وماسألوش، اللي يوما ما ها يتعاقبوا بنفس الفعل الي عملوه فيك.
