تايم نيوز أوروبا بالعربي أخبار عالمية وعربية
مقالات مشابهة
الناس الجدد او المهتمين
لازم تفرقوا بين التقرير ومقال الراي
في مدرستين واحده بتدمج التقرير مع راي ودا مش دارج الا فيما ندر والثانية لا تقرير وبس.
اماالمقال دا مملكتك بئا لو مكنتش بتتبع سياسة جريدتك و ماشي براسك طبعا وبردوا دا نادر !
اهو النادرين دول وكلامي دا مش هيعجب ناس كتير وهيحفلوا عليه مدرستي انا .
اكيد بحترم القواعد والرولز كلها لكل مؤسسة بتتكرم وتنشر لي وبالتالي بعدد الاماكن افضل ما اعدد اخلاقي !
بمعني مبداي ثابت ما بيتغيرش بس بعرف كل مكان يمشي معاه اي ماده تحريرية ،من غير ما اسبب له او لنفسي اي حرج ولا يدخل في راي ويحذف منه ولا افرض عليه راي وهكذا وبالاخر كل المواد اللي بتنشر لائقة وهامة ولكنها مدارس ورولز يجب احترامها.
انا عن نفسي الود ودي ما اكتب غير في مكان واحد للاستقرار النفسي وانا طبعي بميل لمكان واحد ،صديق واحد ،كده مبحبش الدوشه ولا الروشة ، وبالفعل التزمت بدا عمري كله بس التزامي اتعلل بقصر الذيل! وليس بكبر الولاء ما علينا!
المكان اللي أسسني وعرف الناس من ليندا سليم هيفضل طول عمره علي راسي وولاءي مش هيتغير ابدا ودا وعد لانه نابع من تربية لها جذر واصل ولاني بحبه وبحب كل حاجة فيه وبحب كل الناس اللي فيه اللي فعلا بيحبوني واللي مش قادرين يحبوني كمان ومش بلومهم دي قلوب واكيد انا فيا حاجة وصلتهم لكده ربنا يهدينا لبعض .
بحترم كل الكتاب وكل الزملاء اللي ببيتنا الكبير الام واحبابنا بالاماكن المجاورة لان كلنا طالعين من بعض ومن نفس البيت وان شاء الله بنجتمع قريبا علي طاولة واحدة في بيتنا الكبير ونفتكر ازاي كلنا كنا قبل ٢٠ سنه و ازاي اصبحنا ونعلم الزملاء الشباب الصغيرين اللي اكيد منتظرين يتعلموا من كتير اخلاقنا الطيبة وكيف اننا مترابطين وكيف متواصلين ،من حقهم يتعلموا منا حاجات غير انهم يصبحوا محررين ناجحين اكيد، وبحبكم كلكم .
