تايم نيوز أوروبا بالعربي أخبار عالمية وعربية
مقالات مشابهة
تايم نيوز أوروبا بالعربي|أسماء طه
جمعة زمان كان يوم مهم عندنا
زي الكريسماس عندكم
او عندنا رأس السنه
الجمعة دي كان ليها عندنا ترتيبات
ليله الخميس كان الصابون والأمو وبطاس الغسيل
لازم يبات
ليله الخميس متجمعين
الكل يسهر
بس م الفجر هنصحي وبنشاط
م الساعه سته الكل بيشغل موسيقي الغسالات
نفطر بقي كده كلنا
طبليه واحده تلمنا
اصلي ماكنش عندنا
مفهوم ومصطلح غريب
ظهر لنا في العشرينات
سموه وقالوا وقتها سندوتشات
خلصنا طبعا الفطار
الكل يشرب بعده شاي
وماما هتوزع بعينها المهام
اديتني ساعتها المقشه كده فهمت
ان الكنيس اليوم عليا
بس انا راضيه بنصيبي
هقوم واشمر له اديه
وماليش دعوه بباقي المهام
ال بياكل طيور
وال بيغسل في الحيطان
قبل الصلاة الكل خلص المهام
وجه وسلم عهدته وادي التمام
وجرينا ع المطبخ نشوف ماما خلصت
والا الطبيخ والريحه دي عند الجيران
بس فرحنا كلنا الريحه دي من عندنا
ياماما نتصبر بايه
خدوا القوانص والكبد
وأصرخ واعيط
وكمان اصوت
ياماما مش عايزه الجناح
تقرصني وتبص بعنيها
بس اسكتي
وبلاش ياسوسو تعيطي
وقت الغدا تتظبطي
تديني حته زياره يعني
اضحك واقول هنشوف ياماما
وجه بقي وقت الصلاة
وشباب حتتنا اللي ماشيه منوره
بجلابيه بيضه مكويه ومعطره
مثال الادب
حاطط عنيه ف الأرض
زي زملكاوي اتغلب
وبناتنا كلها في البيوت مستنين
الاب والخال والعمام الشقيانين
عشان النهارده كلنا متجمعين
وحاجات كتير عندي في ديوان
مسمياه ايام زمان
جمعة مبارك
