تايم نيوز أوروبا بالعربي أخبار عالمية وعربية
مقالات مشابهة
شبكة تايم نيوز أوروبا|د.السيد الزرقاني
علي قد ما كانت
الضربة عافية
خلت فينا الدمع بحور
كانت شمس الحق معانا
هزمت فينا جبال الخوف
كانت صرخة طفل بيبكي
كانت دمعة أم بتبكي
علي اللياستشهد بين” الرملة” و”بير العبد”
علي اللي دمه لسة بيجري
جوا عيون مش راضية تموت
لسة النيل دمه بيجري
جوا عروقنا
لسة الأرض اللي تحتينا
بتصرخ فينا
أن عيشة الذل عار
أن دمعك يا” بهية “فوق خدود الأرض نار
نار تحرك كل ساكن
لسة خايف م الدمار
لسة فكرك يا حبيبتي
لما سرقوا من عيونك
أحلا بسمة في يو م زفافك
لسة حلمك هو حلمي
لسة نبضك… جوا دمي
لسة عاشقك يا بهية
وبحلف بحياتي اللي جاية
وبرغم حرمان الزمن
ح تفضل ايدية عافية
علي اللي رهنوا علي الوطن
ولسة بيتاجروا في القضية
ولسة بيتاجروا في القضية
