تايم نيوز أوروبا بالعربي أخبار عالمية وعربية
مقالات مشابهة
بقلم : طارق شامخ عبد الجواد
ازاي بقالهم سعر
الصوت هيطلع حر
دي حكاية مجنونة
فيه ناس قدرها الفقر
نقر عليهم نقر
وكأنه جاب النهر
كان جي بصابونة
يغسل أيدية م القهر
وكأنه عاش الدهر
حوش خلاص المهر
قال يعني ايقونة
جايب معاه الخير
وكأنه حد سفير
ومعاه كمان م الطير
ناس عدوا وخدونا
اللبس بدلة حرير
للضحكة والله اسير
ومعاه كتير وكتير
م الزاوية مزغونة
اليافطة فيها شعار
والله ناس احرار
عايزين يطفوا النار
هموا وساعدونا
للصوت أكيد مقدار
رايح لحد الدار
مشوار يجيب مشوار
بكره تزفونا
كراتين تجيب كراتين
الصوت وصل خمسين
والكل مش شايفين
بالجهل غمونا
اول ما وصلوا البيت
فرشوا الطريق بالزيت
والرز ويا البيض
محتاج كمان تونة
وادي رحلة المشاهير
ساعة الهموم بتطير
حاطين كمان بشكير
راشين كده لمونة
صابرين بقالنا سنين
على كدبكم شاهدين
على صمتكم كاتمين
ولا يوم نفعتونا
لا سمعنا ليكم صوت
كل البشر بتموت
و طريق ملاة الدوود
منكم قرفتونا
في السر متواعدين
تمشوا الطريق اتنين
لكن ونني العين
مش راح تأنسونا
حتى في عز البرد
كان ليكوا موقف ضد
وقت أما كان الورد
والغلة مسجونة
وحياة طريق الموت
اللي بقالنا تابوت
ورقعنا فيه ميت صوت
والجثة مطحونة
السيل هدم في بيوت
والنيل كمان مكبوت
والسل صاب التووت
والشعب بكورونا
في الدايرة بتاعتنا
في مجلس النواب
لينا هناك اتنين
اعضاء بكرتونة
