تايم نيوز أوروبا بالعربي أخبار عالمية وعربية
مقالات مشابهة
تايم نيوز اوروبا بالعربي | مديرة التحرير
دخلنا في الأمثال الشعبية . . أو اللي الأمثال الشعبية بريئة منها براءة الذئب من دم ابن يعقوب ، ولكن علينا مجاراة الأحداث ومسايرتها ومحاولة توصيل الرسالة باللغة التي يعمها المنشودين …
كثير من النساء تعتقدن انهن طالما لا تترك رجل يلمسها او يضاجعها أن هي كده في السليم ، وان اللي ينطق بكلمة كده ولا كده يتقطع لسانه ولسان اللي (بلاش نقول) . . ماعلينا …
والست دي ماشية بمبدأ شوووق ولا تدوووق ، بمعنى تكون عارفه ان الرجل او المسؤول او اي كان المصلحة بتجمعهم سوا من اصحاب النفوس المفتتنة بجنس حواء وتفاصيلها وانه مش هيتحمل تتلطف عليه وهيسلم فورا ، فتعمل كده ، تشغله وتلف على افكاره ، وهي المسكينة مش عارفه انه ممكن يكون بيختلي بها ويعاشرها معاشرة الزيجات في مخيلته حد الزنا…
هتقولولي يا استاذة وهي ذنبها ايه؟! . . دا هو اللي مريض وناقص ، وكلام كتير بنحاول نتملص منه من المسؤولية ، ورغم ان كلامكم يحتمل بعضه الصواب ، الا ان المسؤلية لن تفلت المراة التي تستسهل الوصول لغايتها بأسلوب العاهرات …
طول عمرنا بنسمع جمل غريبة وخطيرة زي دي مش رقاصة بس بـ 100 راجل تتعرى وترقص وتشعللها بس محدش يلمس ظفرها ( لا والله) ..
على راي الست كريمة مختار رحمها الله ، لما قالت لراقصة فيلم فرح اللي قامت بدورها سوسن بدر ( هتخشي النار يا منيلة) ..
لا يوجد سبب واحد يدعوكي تتنازلي عن كرامة ابيك واخيك وزوجك وابنك ، وانتي نفسك تحت اسم الغاية تبرر الوسيلة ، وانا اللي شايلة الشيلة وعندي وعندي ، ولا زم اعمل واسوي ولازم اماين عشان اموري تمشي ، ولازم اتدلع على فلان عشان ميعطليش ورقي ومصلحتي
، وفجاة بيتبرر دور البرستتيود في فيلم كبارية اللي بتقعد وترافق اي رجل يفتح لها زجاحة منكر علشان تكمل لامها فلوس الحج ، وبقدرة قادر وبعد ما الفلوس خلاص اتستفت انها تموت (ربنا مش عاوزها تحج بفلوس مشمومة ونجسة ) ..
الرسائل كتيرة بس اللي بيستقبلها مستعمي القلب وفاكرها هتتيسر لما يترك لحمه تتحرر طالما ان الدول عطتها مساحة تتحرك فيها دون استنقاء اي المهن التي تليق بها دون ان تقلل من قدرها كانثي يجب ان تتستر اكثر من ان تكشف بدعوى التحرر…
احيكم على ماتقدموه
فعلا المجتمع اصلاح بهدوء
تحياتى لسموك ياهانم
للمره الثالثه بقرا
وكانها المره الاولى
تحياتى