تايم نيوز أوروبا بالعربي أخبار عالمية وعربية
مقالات مشابهة
تايم نيوز أوروبا بالعربي | القاهرة – إيناس الســيد
كده يا قلبى
تراهن عليه
جالك إيه
انتظرت سؤاله عنك والإنتظار عملك إيه
شكوك وحيرة
وأسئلة عنه كتيرة
هو فاكر ولا ناسى
ولا يمكن حصل له إيه
ليه بتستنى كل يوم
على ما أظن
على كل يمكن
على أى شىء فيه إحتمال
هو عشان حبك وضمك
وحسيت وياه بالشعور
حاجة كده فوق الخيال ولا عشان مكانش ممكن غيره يملا الأمكنة
تستنى كلمة تخليك تعيش
بكرة وباقى الأزمنة
ارحم الفكر الطويل
وليل يمر يستنى ليل
سيبه يسأل
لما ييجى الشوق على بابه ينادى
تلاقيه بيسأل
يا ترى فاضى الساعة دى
وساعتها قوله
مرة تانية فرصة تانية
بس إيه استنى ثانية
والله إنت باين حتكسفنى
وما حتصدق يندهك
ولا حتقوله لا دى
ولا دى
