فيروس كورونا..
جارتي وسنها قول سبعين
لقيتها بتنادي عليا
وبتسالني
هيه يابنتي كورونا دي مين
مافيش سيره الاعليها
في الفيس كان اوتلفزيون
قلتلها دا فيروس موجود
ادعي ربنا يكفينا شره سألتني طب جاي منين
قلتلها يا حاجه من الصين
قالت ااااااااهيا حزن الحزنين
قالت ااه يا حزن الحزنين
علشان كده العيال خايفين
كل لعابهم كات م الصين
جاي الفيروس ليه دلوقتي
عايزين يعني يغنوا عيالنا
وكمان دا داخل رمضان
والفوانيس هتجيلنا منين
قولي يا اسماء ايه اعراضها
قلت دي زي البرد العادي
ست كبيره خفت تخاف
قمت سكت
قالت اتصلي لعيالي حالا يجوا
قلت انتي تعبانه قالت لا يجوا بسرعه م البلكونه يرموا المواعين
دا انا كل حاجتي م الصين
حتي معالقي وشوكي وسكاكين دا حتي خدوني اه يا بطني دا حتي التوم
وهاقولهم عيد الام جاي يا حبايبي عايزه فلوس لا تجيبوا هدايا ولا طين
امكم عدت السبعين والله مش ناقصه كورونا