مصطفى درويش لمتابعيه| لا وألف لا مش هشتغل مع رمضان ولو هبطل الشغلانة

تايم نيوز أوروبا بالعربي | القاهرة

نشر مصطفي درويش وهو فنان مصري ، كتب متأثرا بوفاة الطيار اشرف ابو اليسر ، الذي تسبب حزنه في سوء حالته النفسية ومن ثم موته وذلك بعد أن تم فصلة من عمله إزاء ما فعله الممثل محمد رمضان معه وكان التالي ما كتب على صفحته ب Facebook :

-الله يرحمك ربنا جابلك حقك وراضاك وعوض ولادك في حياتك قبل مماتك الله يرحمك انا زعلت علي الراجل ده جدا والله من غير ما اعرفه

ربنا مقبلش قهرتك وظلمك في ضياع حياتك وانت عايش
ربنا يصبر اهله وابنه

قهر الرجال صعب وخصوصا علي كبر

الله يرحمك ربنا عوضك وسخر في مماتك كل مصر تدعيلك
ربنا عوضه جميل وغير متوقع..

-وفي منشور له كاتبا :
يقفل باب بحكمته
ويفتح الف باب برحمته.
سأله واحد من المعلقين على أحد المعلقين: بصراحه
هل لو اتعرض عليك فيلم او مسلسل مع نمبر ون الظالم المفتري القاتل..
هاتقبل و لا لا؟

وكان رده التالي:

وتاني اهو لاااااا باشا انا بتاع كلمه الارزاق بيد الله وانا مش محتاج ابقي منافق علشان اشتغل الحمد لله ربنا كارمني من وسع والحمد لله عندي ناس كتير تدعيلي اروح مكان يدعي عليا فيه ليه انا زمان اه كان نفسي طبعا اشتغل معاه بس بعد اللي اتعمل بقاله كام سنه لا والف لا ولو هبطل الشغلانه دي لا ياعم انا بحب ربنا وبحب الناس مش عايز حد يكرهني مش هعيش ولا هاكل ولا هشرب قد اللي عشته روح قول الكلام ده لواحد غير مصطفي درويش انت غلطان في العنوان