تايم نيوز أوروبا بالعربي|ريم حسام الدين
قصي|
حسنا لنجعل حق البدء فى هذه المره لي على كلا لقد استمعت اليها كثيرا لذا اشتقت الى الحديث او لاكون صريحا احتاج الى الحديث …
كنت قد وصلت الى حاله لا باس بها من الغضب ولكني اثرت الصمت حتى قاطعته هي قائله : انت هتفضل ساكت ..
تنحنحت ثم اردفت : انتى اكيد عندك عقل يا شغف صح مش معقول حد يبقى فاصل دماغه كده انتى بنفسك قولتى ان كل الى حواليكي كانوا ملاحظين انه مش بيحبك وبيستغل مشاعرك دى علشان يحس انه كزانوفا ازاى توصلى نفسك لحد كده ..
تنهدت قائله :انا مش بحكيلك علشان تقطمني انا فاهمه كل ده و ..
قاطعتها و قد احتدت نبرتي قليلا: متاخر فهمتي متاخر ..
صمتت و بدورى انا اخذت نفسا عميقا وقلت : حقك عليا يا ستى..
حقا ان كنت اراها لرايت ذلك الدخان الناتج عن غضبها يخرج من اذناها قالت باقتضاب : عادى انا اصلا استاهل الكلمتين دول اصلا ..
اجبتها : مقولنا اسف بقي …انا بردوا مش فاهم دورى انا في القصه دى ممكن يكون ايه ..
ردت متلهفه : بص انت بره الصوره يعنى هتفكر احسن مني يعنى مش عايزة ابان قدامهم مثيره للشفقه فاهمنى مش عايزة اشوف النظره الى شوفتها في عينهم دى و انا بباركلهم امبارح في الشغل احنا في نفس المكان و ده ضاغطنى اوى حاسه انى تحت النظر ..
حككت راسي ثم اردفت : فى كل الافلام و المسلسلات الى شوفتها كانت الخطه المعتاده بتجيب حد تغيظه بيه ..
ضحكت وقالت : اه و سبحان الله بيطلع مناسب ليها و يحبوا بعض ..
اجبتها : ابلعي ريقك شويه و سيبينى اكمل عموما اه ده الى كنت هقوله بس الفكره بقي اننا مش هنختار اى حد وخلاص علشان احنا مش فى فيلم او مسلسل و يمكن يطلع واطي عادى ..
صمتت قليلا ثم قالت: ايوة يعنى هنعمل ايه ..
اجبتها : هنعمل شاى تشربي ..
تنهدت و قالت : بتعرف تعمله ولا اخو القهوة ..
اصلحت نظاراتى و اجبتها بكل كبر : عيب عليكي هتدوقي كوبايه هتكرهك فى الشاى و سيرته ..
شغف|
اشتقتم الى اليس كذلك لا اعلم لما بدء هو بالحديث حقا لكن على كل حال انه روائي جيد لن اطيل عليكم فليس لدى ما اضيفه سوى غضب و حسره على حالى لكن كل ما قاله كان على حق به لذا ساكمل لكم انا من حيث توقفنا حسنا ..
لم يكن كوب شاى سئ نكمل به حديثنا به اكمل كلامه قائلا : احنا هنحاول نشوف شخص مناسب ليكي على الاقل كصاحب و يكون شكلا مختلف عنه ..
ممدت يدى واضعه الكوب على حافه البلكون الخاص به و لم اعلق فتابع : هفهمك يعنى لو حد شبه شويه يعنى نفس لون شعره عينيه الى اخره هيبقى مش قادره تنسيه و بتدورى عليه فى الرجاله فهمتي ..
اجبت : اه و طبعا مناسب دى علشان لا يطلع ندل و لا خزوق جديد ..
ارتشف من الكوب الخاص به و اجاب : يعجبني فيكي ذكائك مؤقتا هنحاول نعمل ان الشخص ده موجود امسكي التلفون كتير اعملى نفسك بتكلمي حد على الواتس و تلفونات كتير بقى لاي حد اتفقنا ..
شردت قليلا تبدو لى فكره لا بأس بها على الاقل ليس لدي افضل منها للان ..
تكلمت اخيرا : اتفقنا تصبح على خير ..
رفع يده محييا اياي : تلاقي الخير يا فندم … اتمنى من الله الا افسد الامر برمته .
لمطالعة الفصل الثالث وانتظار الفصل الخامس|