الزواج الإسلامي ونصائح عنتر المصيلحي

الزواج الإسلامى عظمته أن الله بين الزوجين فكل طرف يخشى الله أن يظلم الطرف الآخر ،وكل طرف يتقرب إلى الله بخدمة الطرف الآخر، فإن استقرار الحياة الزوجية واستمرارها غايه من الغايات التى يحرص عليها الإسلام ويحث عليها،لذا فعلى كل من الزوجين أن يحافظ على ما يضمن إستمرار الحياة الزوجية ويقوى اواصرها وأن يفى لصاحبه بجميع الحقوق الواجبه له وان يتغاضى عما يمكن أن يتغاضى عنه من حقوقه الخاصه ،هذا هو ما يحث عليه الشرع ويرغب فيه لذا فإن الإسلام وضع ضوابط واخلاقيات للتعامل بين الزوجين لإستمرار واستقرار الحياة الزوجية بينهم ومنها،سأخاطب في مقالي هذا العوام بطريقة مبسطة وبدون إستخدام مفردات لغوية مدققة..
تايم نيوز اوروبا بالعربي| عنتر المصيلحي

أن يمنح الزوج زوجته خصوصيّة في منزلها ويعطيها خبر قبل ما يضايف ويستقبل ناس، مايسبقهاش ف المَشي، ومايقلّلش من حاجة جيباها ف جهازها، ويخصّصلها مصروف جيب ( قدر امكانياتُه ) تشترى بيه اللى هي عاوزاه بعيد عن طلبات البيت ..

لا ينصحها وقت الغضب، ولكن يستنّى وقت الرّوقان ويقول وهي هتتقبّل منه، ولا يحكِى سرّها لأهله، ويفهم إنّ مفيش حدّ له حُكم عليها غيره، ولازم يكبَّر شأنها ومايحرجهاش قصاد النّاس عشان محدش يستهيفها ..

المرأة روحها ترُدّ لها عندما ترى أهلها فلا يحرمها رؤياهم حتّى ولو كان مُختلف معاهم، ومايلفظ سيرتهم بسوء ويودّهم لأنّ ده بيرفع مقامُه عندها، وميطمعش ف وِرثها، ويكون شهم ف الزّعل ومايحرمهاش من حقوقها لأ، ومش معنى إنّه يكون بآرّ بأهله إذل ضرورى يفترِى عليها ..

لا بأس لما يقولّها أو يكتبلها كلام حلو يبهجها ويهَوّن عليها تعب البيت، ويصاحبها لأنّ الصّحوبيّة بين الرّاجل ومراته بتبعد الملل عن حياتهم ..

لازم يهتمّ بنظافته؛ يحلق شعر العانة والإبط، ويحطّ برفيوم هي بتحبّه لأنّ ده مش واجب عليها لوحدها ..

يخرجّها ع أدّ جيبه، ويرنّ عليها قبل ما يدخل البيت عشان تستعِدّ لاستقباله بأحسن صورة، ويكلّمها وهو برّة يطّمّن عليها وماينسهاش ..

ماينفعش يكسر قرار خدِتُه مع الأولاد لأنّه بيضعِف شخصيّتها ويقلّل من هيبتها فضرورى يأيّد كلامها وقرراتها مع الأولاد حتى ولو زعلان معاها ومايخدهاش عِند ..

لازم يعمل حساب الرّجوع يعنى وقت الزّعل مايقطعش كلّ حبال الودّ ويجور عليها علشان الصّلح يكون سهل، ويستوعب إنّ السّت ساعات كتير مابتكونش مُدركة اللى بتقوله فلازم يعدّى ومايقفش ع الواحدة ..

يشورها ويحترِم تفكيرها ولو حاسِس إنّها مش فهماه ينزل لمستوَى دماغها ويطلع بيها من غير تقليل ومقلته ..

السّت زَيّ الأسيرة عند الرّاجل مابتخرجش غير بإذنه ومابتاخدش خطوة غير بمعرفته، وعشان كده بتظهر معادن النّاس:

••• هل هو سيكوباتى عنده نقص ف شخصيته وبيعوّضه بإنّه يكون جاحد معاها ؟!

••• ولا إنسان مُستقيم نفسيًا مُدرِك طبيعة إنّها مخلوقة منه وضعيفة فبئا عارف اللى عليه قبل اللى ليه ؟!

= مش محتاج يثبت لروحه أو يثبتلها حاجة لأنّه مُتصالح مع نفسه، وعشان كده ما أكرمهنّ إلا كريم ..

عن admin1

شاهد أيضاً

عسل أحمر |

كان في مرة ست جميلة جدا راحت للشط اللي بعيد عن بيتها بميل وقالت في …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

EgyptAlgeriaTurkeySaudi ArabiaUnited Arabic EmiratesIraqLibyaMoroccoPalestineTunisia