تايم نيوز أوروبا بالعربي أخبار عالمية وعربية
مقالات مشابهة
تايم نيوز أوروبا بالعربي | مصريون : لاهاي – سامية راضي
تابعت تايم نيوز أوروبا بالعربي ما نُشر يوم أمس الجُمعة على واحد من Groups مجموعات كثيرة تعلن دخولها نشاط العمل الإجتماعي بهدف لم شمل أبناء الجالية المصرية بهولندا ورصدنا رسالة لا نقول غاضبة ولكن تحمل فى طياتها عتاب وأمل فى التغيير للأفضل لصالح الجميع بهولندا، وجاء نص رسالة أدمن مجموعة لصاحبة صفحة بعنوان ” المصريين لبعضهم ” على النحو التالي، ننشرها دون تدخل من أسرة التحرير لا فى المضمون ولا فى طريقة كتابتها إحتراماً لحُرية الرأي Ama Toekomst
بسم الله الرحمن الرحيم
انا مش عارفه ابدا ازاى والله.
لك انت تتخيلوا اننا ف غربه وناكل ف بعضينا لمجرد ايه بقى ؟؟؟ لمجرد حته جروب اتعمل نجمع فيه المصريين ف هولندا ونساعد بعض ونوقف بجوار بعض . علشان خاطر ايه كل ده ؟ علشان خاطر شهره ف هولندا علشان يتقال ع جروبك الله ده كويس دول بيعملوا حاجات للمصريين يله خلينا معاهم .يقوم جروب تانى طالع بنفس الفكره وينفذها مع عدم مراعاه أصحاب الجروبات التانيه وكمان تتنفذ ف نفس التوقيت واليوم. علشان خاطر ايه ده كله ؟؟ ويكتبوا كومنتات ويتريقوا ع المصرى / المصريه اللى من نفس البلد أصحاب الجروبات التانيه … انتم كده مبسوطين يعنى ؟ ثم معلش بقى ومع احترامي لأى ادمن جروب . يمكن ف ناس كتير متعرفش الموضوع ده .
وكلامى هايكون واضح علشان منظلمش الجروبات المحترمه اللى كل همها اسعاد المصريين والاخوه العرب.
اى حد ف هولندا اذا كان ادمن او عنده مؤسسه لى الحق يسال البلديه عن يوم يجمع فيه جاليته او جيران شارعه او اى أنشطه هايقوم بيها ف الشارع او بارك. والبلدية بتوافقلوا وبياخد الشخص ده مبلغ وقدره .
يعنى لما حد بيعزمك مابيكونش دافع من جيبه والكلام ده مش لكل الجروبات فى ناس محترمه مكلفه من ميزانيتها الشخصيه لاسعاد اولاد بلدهم . وف ناس تانيه خالص بيخدوا فلوس ع العزومه دى. وفوق كده بيحاربوا أصحاب الجروبات المحترمه. ويرموا كلام ع سمعتهم وخلاص.
عيب ولله. احنا ف غربه احنا اولاد بلد واحده. احنا عرب ف الأول والآخر. ده بدل ما نتحد مع بعض ونساعد بعض من قلبنا . ومن غير لايف ومن غير فيديوهات شهره. .
إللى بيساعد ف البلد دى معروف مين . واللى بيشتهر بالفيديوهات واللايف معروف بردو مين. انت حر براحتك انا مش هاحجر عليكم بس خليكم ف حالكم وربنا يجازيكم الخير ف جروبكم.
الخلاصه :-
مش الانشطه ولا العزومات اللى هاتخلى الاخوه الأعضاء يكونوا مع الجروب ده او ده .
مش اللايف والاستخفاف بعقول الناس هو اللى هايخلى الأعضاء المحترمين يفضلوا. كل عضو بيستريح لجروب معين بيقدم اللى بيهمه ف مواضيع كتيره ف الغربه زى الهجره/ العمل / الزواج .والخ.
الاخوه الأعضاء الكرام عندهم احساس مين فعلا عاوز يجمعهم ليوم لطيف من غير اى مصلحه ومين لا.
انا لما فكرت ف انشاء الجروب ده اقسم بالله العلى العظيم واليوم الجمعه ما كان ف نيتى اى حاجه غير انى اساعد اولاد بلدى واخواتنا العرب اذا عندى معلومه اشاركها معاهم او نقضى وقت فكاهى ع الجروب او تعليم اى شئ مفيد. والله شاهد ع كلامى ده.
اقسم بالله العظيم ولا افكر ف يوم من الايام ان أمتلك مؤسسه او جمعيه خيريه. انا اهل بيتى اهم بكتير اوى من اى شهره زائفه.
اللى بيعمل الخير مش مستنى لايف ولا فيديوهات
اللى عاوز اللمه الحلوه والتعارف مش مستنى اى ثمن قصدها .
انا يوم لما قولت ع عزومه يوم السبت . كنت قصده انى اسأل كل شخص يجيب معاه صنف اى حاجه بيحبها منعا انه يجى ويتعزم عند حد لسه مش عارفه قبل كده. فكرت اننا كلنا نشارك ف اللمه الحلوه بدون مقابل . علشان ماحدش يفكر ف يوم من الايام انى اخدت مبلغ من البلديه لتجميع الجاليه المصريه بهولندا. اقسم بالله ماحصل.
طولت عليكم بس كان لازم أوضح الأمور. لان الغربه قاسيه والناس بقت قاسيه زيها . شكرا لتفهمكم مقدما
