تايم نيوز أوروبا بالعربي أخبار عالمية وعربية
مقالات مشابهة
تايم نيوز أوروبا بالعربي | أمستردام
التقى جمع من أبناء مصر بهولندا ضم أكثر من 90 فرد فى حديقة بالعاصمة الهولندية أمستردام، تحمل اسم الفنان “رامبرانت” الرسام والمؤرخ الهولندى الذى عاش في القرن السابع عشر، وكانت أعماله مسيطرة على ما يسمى بالعصر الذهبي الهولندي. وهو من أكثر الفنانين شهرة على مر العصور، حيث تكمن أعظم إبداعات رامبرانت في لوحات تصور أشخاص مُعاصرين له، والبورتريهات الشخصية، فضلا عن النقوش المبتكرة واستخدامه الفريد للظل والنور.
مُبادرة التجمع على حفل شواء بغرض التعارف قام بها الشاب المصري ” مصطفى متولى ” مؤسس مجموعة المصريين بهولندا الذى وجد دعماً كبيرا من كثيريين يكون من الصعب ذكر كافة أسماء هؤلاء خشية السهو والنسيان، فقط نكتفى بتوضيح ان كل الحضور كانوا أبطال التجمع، بمشاركتهم فى مودة أسعدوا بعضهم البعض من أطفال وشباب وشابات،أمهات وأباء.
الكثير من الحضور لم يعرفوا بعضهم من قبل ولكن
كعادة ثقافة أبناء مصر أينما كانوا تجدهم حينما يلتقوا مع بعض لأول مرة وكأنهم بالفعل دون مُبالغة أهل عشيرة واحدة، فهاهم من جديد فى بوتقة مودة، ومُشاركات وجدانية قبل أى نوع من وضع مصالح شخصية أو مادية فى الإعتبار، وكان ذلك أهم مُميزات اللقاء.
ردود فعل الحضور اتسمت بالإيجابية والاعراب عن رغبة الجميع فى تكرار مناسبات التجمع وتقوية أواصر روابط أبناء الجالية المصرية فى هولندا.
نموذج من بعض ردور الأفعال
كتب الشاب ” احمد خير الله ” يقول : النهاردة كان يوم جميل مع ناس مصريين، بجد دائما كنا بنخاف اننا نقرب ونقول ابعد عن المشاكل ، يوم فكرته ان مصطفى وانا خرجنا من جروبات بتنشر كره وفرقه بينا، ومصطفى عمل الجروب دا ودعمناه، وكنت انا وهو قاعدين مع بعض فى اواخر رمضان واقترحنا نعمل التجمع، فكرنا فى كذا ميعاد لحد ما استقرنا على ميعاد النهاردة، والصراحة كنا خايفين ميكنش فى استجابة زى الفكرة اللى واخدنها دائما عن الجالية بتاعتنا، وقولت اول مره هتكون هدية منى انا وهو، علشان احنا بنعمل كده والله علشان نتجمع وميكنش فى اى حد يفتكر ان وراها مصلحة، او اى حاجة، بس الصراحة النهاردة لما حد كان بيقولى شكرا كنت بقوله انت اللى شكرا انك جيت واتعرفنا عليك، والناس اللى مكناش عايزين نغرمهم جابوا حاجات تكفى كل الناس اللى فى البارك، واكتشفت اننا بجد لسه فينا خير كتير، طالما الناس بتحس انك مش بتستغلهم او تستفاد من وراهم.
آمال لا تنقطع وتحية
واستطرد فى حديثه يقول : ان ممكن اليوم دا يكون نواه لجالية حقيقى بجد، بمكان اجتماعى تكون مع بعض وجمب بعض ، شكرا لكل الناس اللى شاركت بحاجات وكل الناس اللى شاركت بمجهود، و مش عايز اقول اسامء علشان منساش حد بجد، وكل ابتسامة من القلب النهاردة دى والله بالدنيا، وشكرا لكل الناس، واعتقد بقينا بجد واصحاب وعيلة، واسفين لو قصرنا فى حاجة النهاردة، بس معلش دى اول مره لنا نعمل حاجة كده، و لو
حد عنده اقتراح او حاجة شفها مش كويسة يقولنا و نحاول .نغيرها انشاء الله
نماذج أخرى من ردود الفعل
- بتلقائية وباللهجة العامية المصرية : هتعملوه التجمع تاني امته؟ وتأتي الاجابة انشاء الله نحدد ميعاد ونبقى نعرف الناس
شكرا احمد ومصطفي كان يوم جميل - يارب دائما المصريين ايد واحدة بجد
- افتقدناكي النهارده كان يوم جميل
لو فى تجمع اون لين يبقى حاجه جميله - العفو ، مفيش داعي ،احنا اخوه وربنا يجمعنا دايما علي خير ، وشاكر جدا ليك ولكل إللي في الجروب
- انا غيران من الصور اني مكنتش موجود بس بصراحه ظروف خاصة منعتني انا وعيلتي ان نييجي المره الجايه انشاء الله
وشكرا بجد علي مجهوداتكم حقيقي باين -
بعض مشاهد تجمع مصري بحديقة ريمبراندت ربنا يجمعكم على الخير وللاسف لظروف خاصة لم استطيع الحضور والنيه كانت موجوده ،، الحمد لله ان الفكره اكتملت
شكرا بجد ليكم انبسطنا جدا والأولاد فرحوا جدا بوجود أسر كتيرة مصرية، ورجعتوا لينا روح المصريين الي جوانا،وعقبال التجمع القادم ان شاء الله
عااش يابو حميد انت ومصطفي وربنا يبارك جهود الجميع، واسعدتونا جدا
سعدنا بكم بروحكم الجميلة والجهد الخالص النقي ۔ ۔ من ناحيتی ابلغكم بدعمي ومساندتي جنبا الی جنب۔ شكرا لكم وشكرا للحضور الحلو المبهج ۔ اسعدتونا۔
والله انت اللى شرفتنا النهاردة بروحك الجميلة - شكرا جدا ليكم ويارب متجمعين دايما في الخير
- احمد شكرا بجد كان يوم جميل جدا شكرا لكم بجد ع التجمع الرائع
ومش هننسی البسبوسة ۔ ۔ وعايزيين ننفذ فكرة عمل يوم مخصوص للشباب - * الصور : حمدي هماني وتايم نيوز أوروبا بالعربي
