تايم نيوز أوروبا بالعربي أخبار عالمية وعربية
مقالات مشابهة
تايم نيوز وراديو أوروبا بالعربي | روتردام
إقرأ واستمع في :
راديو أوروبا بالعربي
قصيدة عدنان العودة مستوحاة من عناوين الأفلام
بالشام عنا سينما
اسمها الفردوس
أبوابها من نار
وأفلامها من نور
وبيوم صارت حرب
وهربت متل هالناس
وعلى كف عفريت
مرقت بسبع بحور
..
بالشام عنا سينما
اسمها الفردوس
وعالاربعة بالضبط
صارت بروتردام
وكل يوم تحكي حلم
والسينما أحلام
…
ويا بكرة الأفلام دوري
تاج العشق شوك
والباقي من جوري
…
والذاكرة لونها خاكي
والعمر متل الديب
يعوي ع شبّاكي
والبنت نوارة
ومسافرة.. من حلب لسطنبول
والمطر يقصف حمص
بلكي بيجي أيلول
..
يا عشقنا البري
يا عيارنا الناري
معقول نرجع لحمص
ونفض اشتباك
ونطفي حرايق
والشتا اللي فات
بيرجع بعد ما مات
وتنزل بسوريا أغاني
من راديو كوباني؟
ونغني ونغني:
يا سلم الشام
يا طالع للسما
قول لسما
كل الفتاوي باطلة
دفاتر العشاق
مكتوبة بحما
…
ويا بكرة الأفلام دوري
دوري بأمينة
دوري بالأباء.. ودوري بالأبناء
دوري دوري
هاد الجرح عربي
والحاملو سوري
