رجع من السفر دخل عليها الأوضة لقى قميص نومها مرمي على السرير وفيه نقط دم إفتكرها الدورة الشهرية وانها في الحمام بتغير هدومها فقال بصوت متوسط يا سلمى أنا رجعت يا بنتي هي ليلتنا حمراء بلس ولا ايه وبعدين خرج على الثلاجة يجيب ازازة ماية عطشان وريقة ناشف وبعدين قعد يدور على اكل جعان بس ملقاش الا كمثراية اخدها وقعد يقرقش فيها قطمة والثانية وخطواته بترجع ثاني لغرفة النوم يا ست سلمى هانم يالا بقى اخرجي وخبط خبطتين على الحمام ورجع يقلب في دولابه عشان يطلع بيجامة ولسا بيفك زرار القميص الأول الثاني وكلم نفسه وكأنه بيشاورها هي ما بتردش عليا ليه قام معلي صوته يا سلمى وفتح الحمام ملقهاش قفل حنفية الحوض كان بتنقط والشامبو مدلوق على الارض كان خلاص هيتزحلق وفتح ستارة البانيو …
تايم نيوز أوروبا بالعربي | ليندا سليم
يووووه الله راحت فين دي خرج يدور في اوضة بنته الصغيرة لقاها نايمة نوم عميق مرضاش يصحيها وخرج يدور في باقي الشقة مفيش اتصل على تليفونها المحمول مغلق ،كلم والدتها مردش والوقت متأخر ،رجع لغرفة بنته بنت 12 سنة نور نوري نوارة اصحي حبيبتي وحشاني ،ردت بابا انت وحشني اكتر امتى رجعت قالها من شوية ماما فين حبييتي ،قالتله ماما في اوضتها ،رد لا موش في اوضتها ردت البنت وقالت يمكن راحت مع طنط ،بصلها كده وسألها طنط من ؟ قالتله موش فاكرة اسمها اصل اول مرة اشوفها انهاردة ،قالها معلش افتكري حبيبتي اه إسمها چومانا ،وشكلها ايه طنط جومانة ،شكلها واحدة ست بس ،بس ايه؟ حلوة اوي شعرها طويل وناعم ولبسها شيك اوي وكانت حاطة برفان شديدة ازي انا لسا شماها لحد دلؤتي.. شمشم ابوها بمناخيره وهو بيقولها موش شامم حاجة وقالها طيب وهي ماما ممكن تكون راحت مع طنط جومانة فين ؟ موش عارفة بس انا بقول يمكن تكون راحت معاها اكيد شوية وتيجي بابا ما تقلقش ،قام قالها ايه دا ايه الريحة دي؟ قالته ريحة ايه قالها معرفش ريحة جامدة كأنها ريحة كحول( قالها على استحياء) وبعدين ردت البنت وقال هي دي ريحة طنط جومانة ،قام بص عليها باباها وحاول يتبع مصدرها جاي منين ……
تابعونا
صباح النور