كتبت | د. أسماء المعرف
انا راجعه بشكل جديد
وبيقولوا ان انا احلويت
انا احلويت عشان حبيت
عشان حبيت أكون نفسي
عشان هربت من يآسي
عشان هضحك بصوت عالي
وهاطرد مني أحزاني
هاحقق كل امالي
واولها ان اكون نفسي
اكون نفسي اللي عجباني
وهاحضن تاني أفكاري
وكلمتي تبقي بلساني
هادوس علي اللي كسرني في يوم
وعيني لما تيجي في عنيه
ماهي شيفاه
وتعرف ليه
عشان هوه اللي كبرني
وخلاني اعود تاني
لنفسي وذاتي وكياني
وخلاني اقول شكرا
لكل صعب رباني
انا ولاشي
انا ولا شئ
حفظتها ليك
وسبتها لاصقه في وداني
ولو الكل ثقفلي
تقولي دا زيف
وماحستش بوجودي
كإن انا طيف
سنين وكنت ماشيه وراك
وانا مغميه عنيه وتسحبني وبترجاك
نسيت نفسي
نسيت انا مين
ولو شافني معايا ورقه وقلم مره
وباستهزاء
يقول فاكره هتبقي الصبح واحده من المشاهير
هاكون نفسي وهتحداك
وهارجع للحياه تاني
انا راجعه بشكل جديد
انا راجعه بحب الناس
انا راجعه بعيون حضناني وشيلاني
وبتقولي كانك ماس
انا راجعه اكون نفسي